Monday, 13 August 2012

Salam Aidilfitri






Nok tra tulih ko loghat kelatae skali ni...

Takdi lepah smaye zohor jemaah di opih, ustad di opih (kito ado ustad di opih ni...pegawai tadbir sebenanyo tp ado kelulusan dr Universiti Azhar pahtu dr  skoloh tahfiz hok ssohor di Pulai Chondong) bui tazkiroh sikit nok nok gak kito ni di fasa akhir bulae Ramadhae doh ni hok mano kito mitok nga Allah  jjauhlah api nerako tu dr kito ssemo.  Ustad kato loni agok-agoknyo lah kito ni boleh doh nilai sikap kito, beruboh ko dok akhir-akhir poso kito...holah mugo nok masuk syurgo blako kalu boleh gak...jange duk seko buruk ko oghe, ke'cek nnawok etc..bendo-bendo negatif pendek gak....

Pahtu ustad ssapa sor riwayat Rasululloh SAW kito.... maso di masjid (masjid mano ustad tok sebut), Rasulluloh kato ko sahabat-sahabat hok ado ssitu... nok kenal ko sapo ahli syurgo hok akae masuk kut pitu masjid tu?  Mestilah sahabat-sahabat nok tau...kito pun nok tau jugok dok?  Masukla Saad Abi Waqqas kut pitu tu.... sapa tigo hari turut-turut Rasululloh tanyo gitu ko sahabat-sahabat, pah turut-turut tigo ari tu jugok hok masuk di pitu tu Saad Abi Waqqas.  Adolah soghe sahabat tu nok tau amalae gapo Saad Abi Waqqas ni buat sapa boleh jadi ahli syurgo.  Dio pun gi lah ko rumoh Saad ni...dio oyak ko Saad dio bbaloh nga ayoh dio pah kalu boleh nok tupae tido/duduk di rumoh Saad.  Saad builah izin dio tupae duduk/tido ssitu.  Sahabat ni pun perhatilah gapo Saad buat maso dio duk dhumoh tu tapi tak dok lah dio  napok Saad ni duk tadarrus quran ko, smaye tahajjud ko.  Sapa tigo hari dio duk di rumah Saad....last-last dio pun oyak ko Saad... dio buat lolok (bohong) ko Saad yae dio bbaloh nga ayoh sebenanyo dio nok tahu amalae gapo Saad buat sapa boleh jadi ahli syurgo supo kato Rasululloh SAW.  Saad Abi Waqqas pun oyaklah sebenanyo dio ni tok ghajin seko buruk ko oghe lain....seko baik sokmo.  

Molek benalah kito ssemo ikut cagho Saad Abi Waqqas ni...sokmo-sokmo seko baik ko oghe lain... banyok pengajaran dari riwayat ni.  

Nabi SAW bersabda, mafhumnya:

"Kalian tidak akan masuk syurga sehingga kalian beriman
dan kalian tidak akan beriman sehingga kalian saling mencintai
Mahukah kalian aku tunjukkan sebuah amalan yang apabila kalian melakukannya, nescaya kalian akan saling mencintai?
Sebarkanlah salam di antara kalian "
(Hadith Sahih, Riwayat Imam Muslim)


SALAM AIDILFITRI  
Maaf Zahir & Batin



12 comments:

Haslina said...

hahahaha... i have to reread several times in order to understand what i written there.. by the way, my family (mum's side) is from Pulai Chondong.

Haslina said...

*is written
sorry, typo.. menaip dalam gelap retek.. hehehe..

naniasda said...

Hehe...*is written...gapo tu? Ado blackout ke di rumah?

Haslina said...

alamak.. actually nak type ' hehehe i have to reread several times to understand what is written.. but that's a good one '.. typing dalam gelap coz i have switched off the lights so that my little ones tidur awal..

Al-Manar said...

Jangang nok lawang ccakap royak dekroh. Kalu mule tok habih habih. Hok hok ugamer kener tuleh bbetur. Saloh pahang ddosa besor pulok.

naniasda said...

Actually Pakcik payah nok mmikir nok tulih kut bahasa baku so I direct speech hok ustad oyak...maaf Pakcik hehe

naniasda said...

Cik Gu...payoh nok baco jah tu but its good once in a while to write in our loghat. Tak sakit mato ke duk nnulih dale gelap :)

Teh said...

Terima kasih kerana kongsi ilmu. Kita usaha utk jadi macam Saad Abi Waqqas, sentiasa bersangka baik, payoh tapi boleh diusahakan. Be positive dan sayang hamba Allah yg lain.

Teh said...

U know, sis, the reason u wrote this article in Kelantanese dialect ... remember in school our ustaz n ustazah taught religious instruction in our dialect, can't remember learning RI in std malay, guessits quite tedious for u to write anything regarding agama in std Malay or English. Cos we learnt that way, the closest to our heart. Religion.

naniasda said...

Yup Teh...you couldn't be more right abt writing abt this topic in our loghat :)

myfreeminded said...

X po x po, ambo buleh pehe... Hehe, nk boleh faham tu nak kena 2, 3 kali ulang jugak.

naniasda said...

MFM,
suko jugok dih baco kut loghat klate hehe..

Daiyan's Giant Caterpillars (Part II)

                                      CEO of RapidKL's tweet inviting Daiyan to visit LRT depot...                          ...